L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 رمضان شهر الـ............

اذهب الى الأسفل 
كاتب الموضوعرسالة
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رمضان شهر الـ............   الثلاثاء 25 أغسطس 2009, 3:07 am


السلام عليكم ورحمة الله وبركاته
كل سنة وانتم كلكم طيبين بمناسبة شهر رمضان
وطبعا كلنا عارفين ان شهر رمضان هو شهر الـ......












..........
؟؟؟!!!












المسلسلات

كان زمان لما يهل علينا رمضان نفتكر الخير والقرآن والتقوى والغفران
شهر نقرب فيه من ربنا اكتر
وكان له مذاق وروح جميييلة


دلوقتى اول ما يقرب رمضان نبدأ نفتكر التليفزيون والمسلسلات
ونحضر نفسنا كم مسلسل هنتفرج عليه
ونبقى مستنيين رمضان يبدأ بفارغ الصبر علشان نتابع المسلسلات :evil:


يا الله
ربنا بيدينا هدية شهر كاااامل فى السنة
30 يوم
فرصة وهدية اننا نقرب ونضيع سيئات السنة كلها 🎁
واحنا بايدينا بنرفض هدية احنا فى أمس الحاجة لها
كل شئ حولينا فى الدنيا بيشجعنا للأسف اننا نرفض الهدية دى
الا من رحم ربى



بيبدأ فى رمضان سباق القنوات على المسلسلات
ونسينا الهدف الأساسى من الشهر ده
مش كفاية ان القنوات دى طول السنة بتاخدنا من ربنا ومن الطاعة والقرآن اللى ممكن ما حدش يفتحه الا فى رمضان بس وممكن رمضان لأ كمان
سيبونا بقى الشهر ده نصلح من نفسنا ولو 1% :agree:


فيه اعلان فى احدى القنوات مستفز جداااااا
بيقول
"رمضانك علينا"
يحسسك انه خايف على مصلحتك
وبيقدملك خدمة
ههههههههه

لا يا عم متشكرين :agree:
رمضان اللى تقصده مش هو رمضان بتاعى
ومش عايز حد يتحكم فى رمضانى غيرى



فيه برامج دينية جميلة جداااا
لشيوخ ودعاة كبار وبيحسسونا بطعم رمضان الحقيقى :0005:
والله لو جربت تتفرج على حلقة من مسلسل
وبعدها على حلقة من برنامج دينى
وعيش مع الاثنين
وقارن احساسك هنا وهنا
والله لا يقارن

لكن للأسف عدد كبير اوى بعيد عن البرامج دى واللى هى بتحققلنا الهدف الأساسى
ممكن ما يعرفش هى بتتعرض على قنوات ايه
ولا يعرف ان فيه برامج اصلا
والكل بيساعدنا

قارن بين عدد المسلسلات وعدد البرامج الدينية
هتلاقى ان على الأقل كل 10 او 15 مسلسل قدامه برنامج دينى واحد


ومن اكتر الحاجات اللى تغضبنا
اننا كلنا عارفين ان فى شهر رمضان تسلسل الشياطين
يعنى كل اللى بيحصل ده وما فيش شياطين
دى نفس بشرية هى اللى بتوجهك
كل واحد بقى أدرى بنفسه

كان فيه دعاء لأحد الصحابة
معناه رائع جداااااا
كان دايما بيقول
"اللهم خذنا اليك منا"
آمين يا رب

نفسى نرجع لجو وروح رمضان بجد
نحس فيه بروحانية عالية
يكون هو الشهر اللى يرجعنا لربنا ويقربنا منه
مش شهر يبعدنا عنه وياخدنا من دينا

ده شهر واااحد فى السنة
ولو ضاع منا المرة دى
ربنا اللى يعلم هنلحقه بعد كدة ولا لأ

لو كل الدنيا غلط وعليك
ربنا معاك
هو المستعان
اكيد مش هتحتاج حد تانى

ياااااااارب يهدى الجميع ويعينا على طاعته
آسفة على الاطالة
السلام عليكم



_________________






الرجوع الى أعلى الصفحة اذهب الى الأسفل
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: رمضان شهر الـ............   الثلاثاء 25 أغسطس 2009, 11:03 pm



بجد مش عارفة أقولك ايه

بارك الله فيكى يا اسراء



_________________
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: رمضان شهر الـ............   الأربعاء 26 أغسطس 2009, 2:00 am

lovelycat كتب:


بجد مش عارفة أقولك ايه

بارك الله فيكى يا اسراء







كدا برضه؟
طاب انا كنت هقول كدا

ياللا ...
فعلا يا إسراء كان دا ردى
بس أجلته على أمل انى اعرف اقول حاجة
بس بجد مش عارف اقول ايه
اللى يستفز اكتر ان حتى المسلسلات و البرامج اللى بقت الناس تستناها مش زى زمان و لا فيها أى حاجة من طعم زمان .. كل حاجة بتتساخف من أول العمل نفسه لغاية القناة اللى بتعرض العمل دا
ياللا ربنا يتوب علينا
بس طول ما فيه ناس زيك كدا
ان شاء الله فيه أمل

و أخيرًا احب اشكرك على العودة القوية دى
و لو انها مش عودة لان سروئة ماغابتش عننا ابدًا
بس بجد احييكى على تفكيرك
الرجوع الى أعلى الصفحة اذهب الى الأسفل
https://www.youtube.com/user/amido2000
nour
مشرف
مشرف


انثى عدد الرسائل : 330
العمر : 25
العمل/الترفيه : دخلت الجامعة خلاص
المزاج : مبسوطة
تاريخ التسجيل : 25/06/2008

مُساهمةموضوع: رد: رمضان شهر الـ............   الأربعاء 26 أغسطس 2009, 2:20 am


saro2a كتب:



كل سنةوطبعا كلنا عارفين ان شهر رمضان هو شهر الـ......












..........
؟؟؟!!!






المسلسلات





ههههههههههههههه


تسلم ايديك على المووضوع

وربنا يهدينا كلنا يا رب


_________________
الرجوع الى أعلى الصفحة اذهب الى الأسفل
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: رمضان شهر الـ............   الأربعاء 26 أغسطس 2009, 3:31 am


lovelycat


ربنا يخليكى
ربنا يباركلك وتكونى دايما من اعوان الخير


الباش مهندس


ربنا يخليك يا باش مهندس على كلامك
وفعلا كل حاجة بقت سخيفة
زمان كان ممكن تلاقى عدد بسيط جدا من المسلسلات وفى نفس الوقت مش بتبعدك عن هدف رمضان
وتكون هادفة وليها معنى
انما دلوقتى والله لو 24 ساعة قدام التليفزيون مش هيكفوا
وفعلا ربنا يتوب علينا

وشكرا بجد على كلامك الجميل
وده بعض ما عندكم



nour

شكرا يا نور على مرورك وردك
وربنا يهدينا كلنا يااااااارب ويزيدنا قربا منه


_________________






الرجوع الى أعلى الصفحة اذهب الى الأسفل
 
رمضان شهر الـ............
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: المنتدى العام-
انتقل الى: