L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 كرسى الاعتراف

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: كرسى الاعتراف   الجمعة 11 سبتمبر 2009, 9:44 pm

saro2a كتب:

السلام عليكم
اهلا وسهلا يا باش مهندس
يا رب تكون بخير

انا هدخل فى الاسئلة على طول ويا رب تكون خفيفة




و عليكم السلام و رحمة الله و بركاته
أهلا بيكى يا saro2a
ربنا يستر م الاسئلة بتاعتكم دى



saro2a كتب:

ايه اكتر خطوة اخدتها فى حياتك و سعيد انك عملتها لحد انهاردة؟

انى عملت المنتدى دا ، و اللى عرفنى بأكتر ناس اعتز بمعرفتهم فعلا ، و الله على ما أقول شهيد

saro2a كتب:

ايه هى اكتر صفة كويسة بتحبها فى نفسك؟ و ليه؟ وايه اكتر موقف استفدت فيه من الصفة دى؟




مع انى مش بحب كدا ، ان واحد يتسأل او يتكلم عن شئ - قد يكون - كويس فيه .. بس هجاوبك ، مانا ماقدرش ماجاوبش ..
ناس كتير بيصفونى بالعقلانية و الحكمة .... و فيه ناس قالوا عنى فعلا الكلمة دى (الحكيــم) كلقب يعنى ..
دى طبعًا حاجة تتحب ؛ لأن لو عندك حكمة فعلا تقدرى تخلى كل خطوة بتمشيها ف مشوارك خطوة مثمرة و موفقة إن شاء الله
أكتر موقف استفدت فيه من الصفة دى .. مش عارف



saro2a كتب:

مين أكتر شخص اتأثرت بيه فى حياتك؟ وايه مدى التأثر ده؟

أكتر شخص تأثرت بيه ، تقدرى تقولى أ/ صابر ربنا يبارك له و يهديه و يهدينا ... مدى التأثير دا كبير يحضرنى الآن الحكمة و الهدوء و الصبر و التروى و دوام التبسم للآخرين حتى أثناء الغضب .. بس فى الحقيقة مش بقدر على طول اعمل كدا بس بحاول ... دا بجانب طبعًا ان أكبر أحلامه ان حال البلد ينصلح و هو بيبذل ما بوسعه فى سبيل كدا فى المجال التعليمى و يا رب كلنا نعمل كدا فى مجالاتنا المختلفة


saro2a كتب:

ايه اكتر صفة او خلق معين بتكرهه و ما تحبش تشوفه فى حد بتتعامل معاه؟

السطحية ، اللا مبالاة ، عدم التقدير


saro2a كتب:

ايه أكتر آية فى القرآن الكريم أثرت فيك أو دايما فاكرها وبترددها؟ ويا ترى تقدر تفسرها على قد فهمنا ليها _بوجه عام يعنى_؟




و الله آيات كتير قريبة من قلبى جدًا و على طول فى ذهنى ..
سورة الأنعام ، و سورة البقرة و سورة يوسف و سورة مريم من أكثر السور العالقة بذهنى دايمًا
لكن عمومًا تحضرنى الآن هذه الآيات ..


(( أطلع الغيب أم اتخذ عند الرحمن عهدًا ))
صدق الله العظيم
من سورة مريم
و فى الآية دى زى ما شايفين استفهام تعجبى غرضه النفى ، ربنا بيستغرب لحال الناس اللى بيتكلموا عن بكرة و اللى هيحصل بكل ثقة سواء بالخير أو بالشر فبيتساءل الناس دول عالمين بالغيب هم كمان؟ و لا يكونوا واخدين عهد على ربنا عز و جل
و الإجابة هى طبعًا لا ، فلا يعلم الغيب سوى عالم الغيب و الشهادة عز و جل ؛ و ليس لأىٍ من البشر بل لأىٍ من المخلوقات أن يتخذ عند الله عهدًا ، فتعالى الله عز و جل


(( كتب على نفسه الرحمة ))
صدق الله العظيم
من سورة الأنعام
و فى الآية دى ربنا و كانه بيقول ، اسمحوا لى فى بساطة التعبير و لكنه للتوضيح فقط لا للتشبيه ، عايزين ايه اكتر من كدا؟ .. فحقًا هو الرحمن الرحيم .. واسع الرحمة كثير الرحمة جل علاه


هذا و الله أعلى و أعلم

saro2a كتب:

امتى كان اكتر وقت حسيت انك قريب فيه من ربنا أوى؟

مش عارف ..

saro2a كتب:

ايه هدفك الأكبر اللى بتسعى لتحقيقه؟

هو انا كدا كدا نقطة فى بحر ، لكن ما اتمناه ان البحر دا ينتج و يجيب طاقة مش ياكل فى الأرض بزرعها .. يا رب اكون اتفهمت

saro2a كتب:

امتى حسيت ان ربنا ومن بعده والدك و والدتك راضيين عنك؟




برضه مش عارف ..
لان دايمًا بيحضرنى كلمتين بيثبتوا جهل الإنسان و ضئالته ..
و عسى أن تكرهوا شيئًا و هو خيرٌ لكم ، و عسى أن تحبوا شيئًا و هو شرٌ لكم
كتير بنترجم الأحداث على كيفنا و دا مش صحيح .. تأملى و تدبرى هتلاقى انه جايز جدًا جدًا شئ يسعدك قوى النهارده بكرة يكون مصدر شر ، و العكس بالعكس
أقل مثل لكدا .. لو فقير صحى من النوم لقى عنده ثروة .. لكم أن تتخيلوا كم الاحتمالات (الفقير دا هيعمل ايه؟) اللى ممكن تحصل فى اللحظة دى


saro2a كتب:

مين أكتر شخص بتحب تاخد منه نصائح فى حياتك او فى مشكلاتك؟

مش عارف ..

saro2a كتب:

ايه رأيك فى الاسئلة اللى فاتت؟؟


يا رب تكون الاسئلة بسيطة
ولو فيها اى سؤال مش عايز تجاوب عليه ما فيش مشاكل
بس قولى علشان استبدله

تقبل احترامى
فى انتظار الاجابات





هى اسئلة جميلة بجد
بس انا اللى إجاباتى انا واثق انها ماكانتش حلوة ابدًا
بس عمومًا مستنى رأيك فى إجاباتى
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: كرسى الاعتراف   الجمعة 11 سبتمبر 2009, 10:32 pm


السلام عليكم
شكرا يا باش مهندس على الاجابات
جميلة جدااااا بجد وبثبت انك فعلا "حكيم"
ويا رب يديم نعمه عليك
ومن أكثر الاجابت اللى عجبتنى


الباش مهندس كتب:


برضه مش عارف ..
لان دايمًا بيحضرنى كلمتين بيثبتوا جهل الإنسان و ضئالته ..
و عسى أن تكرهوا شيئًا و هو خيرٌ لكم ، و عسى أن تحبوا شيئًا و هو شرٌ لكم
كتير بنترجم الأحداث على كيفنا و دا مش صحيح .. تأملى و تدبرى هتلاقى انه جايز جدًا جدًا شئ يسعدك قوى النهارده بكرة يكون مصدر شر ، و العكس بالعكس
أقل مثل لكدا .. لو فقير صحى من النوم لقى عنده ثروة .. لكم أن تتخيلوا كم الاحتمالات (الفقير دا هيعمل ايه؟) اللى ممكن تحصل فى اللحظة دى[/size]




معاك حق فى كلامك
تقبل احترامى

_________________






الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: كرسى الاعتراف   السبت 12 سبتمبر 2009, 4:47 pm


ربنا يكرمك يا saro2a
دا بس من ذوقك و الله
شكــرًا على ردك الرقيق دا
الرجوع الى أعلى الصفحة اذهب الى الأسفل
https://www.youtube.com/user/amido2000
nour
مشرف
مشرف


انثى عدد الرسائل : 330
العمر : 25
العمل/الترفيه : دخلت الجامعة خلاص
المزاج : مبسوطة
تاريخ التسجيل : 25/06/2008

مُساهمةموضوع: رد: كرسى الاعتراف   الأحد 13 سبتمبر 2009, 3:53 am




السلام عليكم

انا قولت كدا اسألك كام سؤال دى فرصة مش هتتعوض اللى كل فين وفين
يلا استعد بقى يا باش مهندس

1- اية رايك فى المنتدى?

2- قولى اية وجهه اختلاف المنتدى عن باقى المنتديات من وجهه نظرك؟

3-اكتب كلمة عن

*lovelycat

*saro2a

* لو عاوز تكتب كلمة عنى مافيش مشاكل

* hamada salah

يلا كفاية عليك يا باش مهندس

_________________
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: كرسى الاعتراف   الأحد 13 سبتمبر 2009, 4:29 pm

nour كتب:

السلام عليكم
انا قولت كدا اسألك كام سؤال دى فرصة مش هتتعوض اللى كل فين وفين
يلا استعد بقى يا باش مهندس

شكلك بتعزينى قوى يا نور


nour كتب:



1- اية رايك فى المنتدى?

أرى المنتدى كسفينة نوح


nour كتب:

2- قولى اية وجهه اختلاف المنتدى عن باقى المنتديات من وجهه نظرك؟



أوجه الاختلاف عديدة و المأمول انها بتظهر اكتر مع زيادة عدد و معدل المشاركات
زى ايام زماااان ساعة احمد عادل و الكونت و لوفلى كات و حمادة ..
من ضمن أوجه الاختلاف دى ..
فكرنا موجه
يمكن يكون عندنا مبدأ
عندنا حلم واحد و أمل واحد
رافضين حاجات و بنحاول نمتنع عنها و نبطلها و نوقفها
بندعو لحاجات تقريبًا نادرًا ما تحدث


nour كتب:



3-اكتب كلمة عن
*lovelycat

*saro2a
* لو عاوز تكتب كلمة عنى مافيش مشاكل

* hamada salah




lovelycat هى طبيبة المنتدى من أقوى الإضافات للمنتدى بصراحة .. lovelycat مش بتمثل للمنتدى مجرد رد او موضوع .. lovelycat حتى أثناء غيابها حاضرة و لمساتها مهيمنة ع المنتدى كله ..
saro2a طبيبة الغد .. اختى الصغنتوتة اللى بعتز بيها جدًا .. فرحت كتير بجد لما عرفت شخصيتها بعد ما سجلت ف المنتدى كدا و بالتالى هى عضو عزيز قوى قوى قوى على المنتدى ، بل مش مجرد عضو فهى صاحبة مكان .. و هى إشراقة المنتدى
nour أمل المنتدى فى البقاء .. اختى الصغنتوتة برضه .. هى شعلة نشاط المنتدى فعلا .. أراها صاحبة الفضل فى صمود المنتدى
hamada salah كان إضافة صار مؤسسًا .. هو المخلص فى زمنٍ قل فيه الإخلاص غيابه مبرَّرًا و أنا واثق من أنّه سيعود قريبًا جدًا


nour كتب:



يلا كفاية عليك يا باش مهندس

لالا مش كفاية خالص
روحى ربنا يسامحك
الرجوع الى أعلى الصفحة اذهب الى الأسفل
https://www.youtube.com/user/amido2000
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: كرسى الاعتراف   الثلاثاء 15 سبتمبر 2009, 12:53 pm


معقولة الباشمهندس أحمد فؤاد بحاله بيتسأل
لا بجد دى فرصة متتعوضتش
وعموما لأنى ملحقتش احضر اسئلة
فهديك كده كام سؤال ع الماشى

1-الحياة بتمثلك ايه؟

2-شخص مينفعش تستغنى عنه..

3-لو طلبت منك توجه رسالة لحد..هيكون مين؟ وايه مضمون الرسالة؟

_________________
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: كرسى الاعتراف   الثلاثاء 15 سبتمبر 2009, 11:16 pm

lovelycat كتب:

معقولة الباشمهندس أحمد فؤاد بحاله بيتسأل
لا بجد دى فرصة متتعوضتش
وعموما لأنى ملحقتش احضر اسئلة
فهديك كده كام سؤال ع الماشى


ههههههههه
انتو اسرة طيبة قوى
بجد ربنا مايحرمنى منك و لا من طيبتكم دى ابد


lovelycat كتب:

1-الحياة بتمثلك ايه؟

الحياة ما هى إلا وسيلة !


lovelycat كتب:

2-شخص مينفعش تستغنى عنه..

هو مش شخص واحد ؛ هو شخصين .. والدتى و حد مش حابب اذكر هو مين

lovelycat كتب:

3-لو طلبت منك توجه رسالة لحد..هيكون مين؟ وايه مضمون الرسالة؟




الحد دا هيكون أسرتى
مضمون الرسالة هيكون شوية علامات تعجب !!!
الرجوع الى أعلى الصفحة اذهب الى الأسفل
https://www.youtube.com/user/amido2000
nour
مشرف
مشرف


انثى عدد الرسائل : 330
العمر : 25
العمل/الترفيه : دخلت الجامعة خلاص
المزاج : مبسوطة
تاريخ التسجيل : 25/06/2008

مُساهمةموضوع: رد: كرسى الاعتراف   الأربعاء 16 سبتمبر 2009, 3:08 am



تمام كدا يا باش مهندس

الله ينور عليك وعلى الاجابات ولو ان فى اجابات غامضة شويتين بس هنعديها

وكمان اعدت 8 ايام . شكل الكرسى عجبك

بس لازم تقوم

عشان معانا عضوة ناوين ناعدها على الكرسى















معانا الاسبوع دا






























































طبيبة المنتدى


















LOVELYCAT





_________________
الرجوع الى أعلى الصفحة اذهب الى الأسفل
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: كرسى الاعتراف   الخميس 17 سبتمبر 2009, 12:03 am



وبعدين فى التدبيسة دى يا نور

عموما ادينى مستنية الاسئلة

وربنا يستر

_________________
الرجوع الى أعلى الصفحة اذهب الى الأسفل
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: كرسى الاعتراف   الخميس 17 سبتمبر 2009, 7:48 pm


السلام عليكم ورحمة الله وبركاته
ازيك يا lovely cat
منورة
يا رب تكون الأسئلة خفيفة ان شاء الله


********
نبدأ

ايه أكتر موقف سببلك احراج فى حياتك؟

اكتر خطوة اخدتيها فى حياتك و حسيتى انك سعيدة؟
مين اقرب حد ليكى ممكن تقدرى تفضفضى معاه؟ "وما تقوليليش نور"

اكتر صفة بتحبيها فى نفسك وبتحمدى ربنا عليها؟ والعكس ، اكتر صفة بتكرهيها فيكى؟

ايه هو القرار اللى خدتيه وندمتى عليه؟

حاجة غلط بتعمليها ونفسك تصلحيها ، والعكس ، حاجة كويسة بتعمليها وخايفة تكسلى عنها فى المستقبل يعنى بتتمنى انك تقدرى تتمسكى بيها

هدف بتسعى انك تحققيه فى المستقبل

*******


كفاية كدة يا قمر
مؤقتاااااا لأنى لازم اقوم دلوقتى
انما ليا عودة ان شاء الله
هستنى الاجابات
منورة الموضوع




_________________






الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: كرسى الاعتراف   الخميس 17 سبتمبر 2009, 10:57 pm



طبيبتنا lovelycat
أخيرًا جه اليوم اللى نسألك فيه براااااحتنا بقى
نور ، احنا عادى ممكن دلوقت نعتبر الاسبوع 30 يوم عادى


بالنسبة للأسئلة ، فانا عمال افكر فى اسئلة بس طبعًا مافيش اسئلة تكفيكى ابدًا ...
فهقول اللى ييجى على بالى دلوقت و لنا عودة ان شاء الله ((براحتنا بقى))
نقول بسم الله الرحمن الرحيم ...


1. اذكرى ثلاثة أشخاص إذا غاب عنكِ أحدهم فستتأثرين كثيرًا و لن تستطيعى أن تعيشى حياتك طبيعيًا.
2. من هو مثلك الأعلى فى هذه الحياة؟
3. ما هو أكثر علم (خارج مجال دراستك) تحبينه؟
4. اذكرى لنا وجه مقارنة (أو أكثر) ، من وجهة نظرك ، بين أهل الشرق و أهل الغرب فى العصر الحالى.
5. إذا عاد بكِ الزمن و وجدتِ نفسكِ تملئين استمارة الثانوية العامة و تخططين لمستقبلك و المجال الذى ستدرسين به ، من جديد ، فماذا كنتِ لتفعلى؟ (افتراضيًا)
6. اذكرى لنا أكثر مكان تشعرين فيه بشئٍ من السعادة.
7. أى الأماكن تكرهين؟
8. إذا كان لكِ الخيار ، فأى العصور ستودين أن تعيشى فيه؟ عصرنا هذا؟ أم عصرًا آخر؟ ، و لِماذا؟
9. ما هى أكثر معلومة أو نظرية أو حقيقة علمية بُهرتِ بمعرفتها؟
10. قد يكون هناك شخصٌ فارقكِ و خسرتِ الكثير لفراقه ، فمن هو؟ (مع التوضيح)



كفاية كدا دلوقت
و لنا عودة إن شاء الله


عدل سابقا من قبل الباش مهندس في الجمعة 18 سبتمبر 2009, 3:56 am عدل 2 مرات (السبب : s p .. e l l i n g)
الرجوع الى أعلى الصفحة اذهب الى الأسفل
https://www.youtube.com/user/amido2000
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: كرسى الاعتراف   الجمعة 18 سبتمبر 2009, 2:15 am



السلام عليكم ورحمة الله وبركاته
ازيك يا lovely cat
منورة
يا رب تكون الأسئلة خفيفة ان شاء الله

وعليكم السلام
الحمد لله
انتى اللى منورة الدنيا

********
نبدأ

ايه أكتر موقف سببلك احراج فى حياتك؟

لما رفضت حب شخص معين
كان فعلا أكتر موقف محرج اتحطيت فيه


اكتر خطوة اخدتيها فى حياتك و حسيتى انك سعيدة؟
مش عارفة يمكن لما قررت أدخل طب.

مين اقرب حد ليكى ممكن تقدرى تفضفضى معاه؟ "وما تقوليليش نور"
دودو صحبتى ربنا يبارك فيها بتكلم معاها براحة وبحبها اكتر من نفسى.

اكتر صفة بتحبيها فى نفسك وبتحمدى ربنا عليها؟ والعكس ، اكتر صفة بتكرهيها فيكى؟
اكتر حاجة بحبها فيا الطيبة وحب الناس
واكتر حاجة بكرهها السذاجة وانى بأثر الناس على نفسى(جاية من الايثار)حتى لو كانو الناس دول ميستحقوش ده.


ايه هو القرار اللى خدتيه وندمتى عليه؟
قرار معين بس للأسف مش هقدر اقوله.

حاجة غلط بتعمليها ونفسك تصلحيها ، والعكس ، حاجة كويسة بتعمليها وخايفة تكسلى عنها فى المستقبل يعنى بتتمنى انك تقدرى تتمسكى بيها
سماع الاغانى نفسى اتخلص من الحكاية دى بس مش عارفة
والحاجة الكويسة اللى نفسى اكملها انى اعيش طول السنة بنفس احساسى فى رمضان
لانى بحس انى قريبة من ربنا أوى
ونفسى افضل كده على طول.

هدف بتسعى انك تحققيه فى المستقبل
أعمل عمل خيرى كبير يساعد آلاف الناس
ويفضل صدقة جارية على روحى
وهدف تانى انى أقدر أخفف آلام الناس
بطبيعة عملى كدكتورة يعنى

ويارب مبقاش السبب فى آلامهم زى مبنشوف اليومين دول


*******


_________________
الرجوع الى أعلى الصفحة اذهب الى الأسفل
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: كرسى الاعتراف   السبت 19 سبتمبر 2009, 4:32 pm

اقتباس :

طبيبتنا lovelycat
أخيرًا جه اليوم اللى نسألك فيه براااااحتنا بقى
نور ، احنا عادى ممكن دلوقت نعتبر الاسبوع 30 يوم عادى

30 يوم ده ايه

بالنسبة للأسئلة ، فانا عمال افكر فى اسئلة بس طبعًا مافيش اسئلة تكفيكى ابدًا ...
فهقول اللى ييجى على بالى دلوقت و لنا عودة ان شاء الله ((براحتنا بقى))
نقول بسم الله الرحمن الرحيم ...


1. اذكرى ثلاثة أشخاص إذا غاب عنكِ أحدهم فستتأثرين كثيرًا و لن تستطيعى أن تعيشى حياتك طبيعيًا.
ماما وبابا واخواتى

2. من هو مثلك الأعلى فى هذه الحياة؟
أنا مليش مثل أعلى بشكل عام
انما ليا مثل اعلى فى كل مجال
يعنى مثلا فى الطب... الدكتور مجدى يعقوب
فى الادب...صلاح جاهين
فى مجال الاعمال الخيرية وكفالة اليتيم...الفنان محمد ثروت
كده يعنى


3. ما هو أكثر علم (خارج مجال دراستك) تحبينه؟
التنمية البشرية

4. اذكرى لنا وجه مقارنة (أو أكثر) ، من وجهة نظرك ، بين أهل الشرق و أهل الغرب فى العصر الحالى.
أهل الغرب ناس عندها أهداف وبتسعى طول الوقت لتحقيقها
ناس غاية فى الدقة والنظام
وبيحترموا الوقت
بس فيهم عيوب كتير أهمها غياب الدين وضياع القيم الأخلاقية
أما أهل الشرق فدول ناس عايشين على أمجاد زمان وبيتباهوا بأعمال أجدادهم اللى هما مكنش ليهم أى دور فيها
ناس عايشة كده بالبركة وزى متيجى تيجى
بيعرفوا يتكلموا كويس أوى لكن وقت التنفيذ...

5. إذا عاد بكِ الزمن و وجدتِ نفسكِ تملئين استمارة الثانوية العامة و تخططين لمستقبلك و المجال الذى ستدرسين به ، من جديد ، فماذا كنتِ لتفعلى؟ (افتراضيًا)
كنت هختار نفس المجال بس كنت هخطط لحياتى فى الكلية بشكل احسن

6. اذكرى لنا أكثر مكان تشعرين فيه بشئٍ من السعادة.
أنا برتاح جدا لما بشوف النيل وبالتالى بكون سعيدة لما بكون فى مكان بيطل عليه

7. أى الأماكن تكرهين؟
بكره الأماكن المزدحمة جدا زى ميدان رمسيس مثلا بالنهار يع

8. إذا كان لكِ الخيار ، فأى العصور ستودين أن تعيشى فيه؟ عصرنا هذا؟ أم عصرًا آخر؟ ، و لِماذا؟
قبل وقتنا ده بحوالى ستين سنة
يعنى فى الخمسينات
ياااااااه كان زمن جميل
كل حاجة كانت منظمة والناس كانوا اذوق
وبالهم رايق


9. ما هى أكثر معلومة أو نظرية أو حقيقة علمية بُهرتِ بمعرفتها؟
لما عرفت ان فى دكتور اكتشف علاج لمرض السرطان باستخدام ذرات الذهب
ذرات الذهب بتدخل الجسم وتضرب الخلايا السرطانية بس
وملهاش دعوة بالخلايا السليمة
فى حين أنا العالم كله كان بيستخدم العلاج الكيماوى اللى كان بيدمر الاتنين الاخلايا السرطانية والسليمة كمان


10. قد يكون هناك شخصٌ فارقكِ و خسرتِ الكثير لفراقه ، فمن هو؟ (مع التوضيح)

جدتى الله يرحمها
خسرت كتير جدا بعدها
من ساعة ما سابتنى من حوالى 10 سنين
وانا حسة بالغربة والوحدة



كفاية كدا دلوقت
و لنا عودة إن شاء الله

يارب تكون اجاباتى الى حد ما مقنعة


_________________
الرجوع الى أعلى الصفحة اذهب الى الأسفل
 
كرسى الاعتراف
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: المنتدى العام-
انتقل الى: