L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 قصيدة كلب الست

اذهب الى الأسفل 
كاتب الموضوعرسالة
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: قصيدة كلب الست   الإثنين 21 يناير 2008, 10:30 pm

دى واحدة من اروع قصائد الفاجومى (احمد فؤاد نجم)
اسمها كلب الست
سؤالكم هو(ليه اسمها كده؟).... صح؟
هى اتسمت كده عشان بتحكى موقف بين احد الناس الغلابة وكلب الست
اللى هو يبقى كلب السيدة ام كلثوم يعنى
وعلى فكرة القصة حدثت بالفعل
اتمنى تعجبكم

في الزمالك من سنين،وف حمى النيل العظيم،قصرمن عصر اليمين،
ملك وحده م الحريم،صيتها اعلى م الآذان،يسمعوه المسلمين
والتتر والتركمان ،والهنود والمنبوذين .
ست فاقت ع الرجال في المقام والاحترام
صيت وشهره وتل مال،يعني في غايه التمام،
قصره يعني هيه كلمه، ليها كلمه ف الحكومه
بس ربك لجل حكمه قام حرمها م الامومه
والامومه طبع ثابت جوا حواء من زمان
تعمل ايه الست جابت فوكس رومي وله ودان
فوكس ده عبقال املتك عنده دسته خدامين
يعني مش موجود في عيلتك شخص زيه ياسماعين
واسماعين دا يبقى واحد م الجماعه التعبانين
اللي داخو في المعاهد والمدارس من سنين
حب يعمل واد فكاكه ويمشي حبه في الزمالك
والقيامه والفتاكه يرموا طبعا ع المهالك
عم سمعه من قيامته حب يعمل فيها فله
بعد ما الوظ بيجامته اشترى حته مجله
قول مشي يقرا ف حكايه من حكايات الغرام
واندماجه في القرايه خلا مشيه مش تمام
ع اليمين يحدف بعيد خطوتين ويروح شمال
لمحه فوكس من الحديد قال دا صيد سهل وحلال
هوب نط ف كرشه دوغري جاب بجامته لحد ديلها
اسماعيل بدال مايجري قال يارجلي رجلي مالها
بص شاف الدم سايح من عاليها ومن واطيها
وياللي جاي وياللي رايح المجله مش لاقيها
حبه واتلموا الظنايا اللي هما البوابين
والهكايه والروايه قال لهم دا كلب مين
(البوابين... من بلاد النوبه وينطقون حرف الحا هاء )

كلب مين ماكلب مينشي سمعه لبخ حبتين
قال له واحد منهم امشي الي جابك عنده مين
قال دا شارع يامواشي والجميع بيمر منه
اللي راكب واللي ماشي مستحيل نستغنى عنه
كلمه من دا وكلمه من دا ظاطو واترسمت فضيحه
قول نهايته والقصد من ده اسماعين اكل الطريحه
راحوا قسم الشرطه طبعا والنيابه كفيله بيهم
واترموا في الحجز جمعا لما ييجي الدور عليهم
حبه والشاويش امين قال سعيد النقشبندي
قام غريم عم اسماعين قاله محسوبك يافندي
قام سي سمعه يروح معاه الشاويش قال غور بدمك
وفوق قفاه كف طرقع ... داهيه ف امك
تفتكر يفضل سي سمعه قد ايه في القسم نايم
استضافه الحجز جمعه يابلاش آدي العزايم
شاف بلاوي ماتتحكيش م الديابه المسجونين
قال ياعالم ياشاويش يانيابه يامسؤوليين
خلصوه بعد المناهده جثه من حجر الديابه
هيه يمكن ساعه واحده كان في مكتب النيابه
قال له مالك ياسماعين.. قال له زي البمب مالي
قال له عضك فوكس فين قال له سيبني اروح لحالي
انت شوف سي فوكس يمكن خد تسمم غصب عني
الوكيل قال برضه ممكن والشاويش قعد يغني
انت فين والكلب فين انت قده يااسماعين
طب دا كلب الست يابني وانت تطلع ابن مين
بشرى لاصحاب الديول واللي له اربع رجول
بشرى لا سيادنا البهايم من جمايس او عجول
اللي صاحبه ياجماعه له غناوي في الاذاعه
راح يدوس فوق الغلابه والنيابه بالتباعه
انت تسوى في النيابه تسعميه م الغلابه
طب ياريت يافوكس كنا ولا تربطنا القرابه


الرجوع الى أعلى الصفحة اذهب الى الأسفل
https://www.youtube.com/user/amido2000
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: قصيدة كلب الست   الإثنين 28 يناير 2008, 1:00 pm

يا ريت يا باشمهندس تحاول تجيب اكبر قدر من قصائد العملاق احمد فؤاد نجم وتمتعنا بيها
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: قصيدة كلب الست   السبت 02 فبراير 2008, 2:22 am

شكرًا يا نهلة على مرورك وده اللى انا بحاول اعمله والله
الرجوع الى أعلى الصفحة اذهب الى الأسفل
https://www.youtube.com/user/amido2000
زائر
زائر
avatar


مُساهمةموضوع: رد: قصيدة كلب الست   الجمعة 08 فبراير 2008, 8:05 pm

ههههههههههههههههههههههههههه جميله جدا والله مش لاقى كلمه اعبر بيها عن شاعرنا العظيم احمد فؤاد نجم
رائع رائع رائع رائع رائع رائع رائع رائع رائع رائع رائع رائع رائع رائع رائع واكتر من رائع

شكرا على القصيده يا باش مهندس
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: قصيدة كلب الست   الخميس 14 فبراير 2008, 5:01 pm


شكرًا على مرورك يا شيكابالا
الرجوع الى أعلى الصفحة اذهب الى الأسفل
https://www.youtube.com/user/amido2000
 
قصيدة كلب الست
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (أدب) ¨'°?O :: فاجوميات-
انتقل الى: