L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 نكت عن الحمـ"لا مؤاخذة" الرئيس مبارك أبو علاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hamada salah
مشرف
مشرف


ذكر عدد الرسائل : 568
العمر : 27
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: نكت عن الحمـ"لا مؤاخذة" الرئيس مبارك أبو علاء   الخميس 10 يناير 2008, 12:35 am

بما ان شعبنا شعب ابن نكته زي مابيقولوا فمن الواضح ان الرئيس حتي لم يرحم من
النكت وتم تاليف اجمل النكت لعيون الرئيس المصري

ملاحظه
النكت علي سبيل الهزار فقط




كان مرة فى مسابقه بين(حسنى مبارك - بوش - شارون) على اللى كان اجداده بيستعملوا التليفون
1- اجى بوش قعد يحفر يحفر اتلاقى سلك تليفون قال ده دليل على ان اجدادى كانوا بيستعملوا التليفون
2- اجى شارون قعد يحفر يحفر اتلاقى سلك تليفون قال ده دليل على ان اجدادى كانوا بيستعملوا التليفون
3- اجى حسنى مبارك قعد يحفر يحفر يحفر ما اتلاقاش حاجة قال ده دليل على ان اجدادى كانوا بيستعملوا المحمول
----------------------------------------------------------------------------------------------------------------------

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
----------------------------------------------------------------------------------------------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
----------------------------------------------------------------------------------------------------------------------
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
-----------------------------------------------------------------------------------------------------------
*
*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
----------------------------------------------------------------------------------------------------------------------
كان الرئيس حسني مبارك في زياره إلى انجلترا . و في
خلال مناقشاته مع الملكه سألها ..
كيف تديرين أمور
البلاد بهذه الصرامه .. فقالت . الحل أن يكون لديك و من
حولك مستشارين يستطيعون الاجابه على أي سؤال في أي وقت
حتى يخلصوك من أي مشكله قد تحدث
فتعجب حسني مبارك و سألها . تعنين مستشارين أذكياء؟؟
قالت نعم . فقال و كيف تتأكدين من ذلك ... فقالت له :
بسيطه .. يمكنك من خلال سؤال أن تكتشف معدل ذكاء مستشارك
انتظر .. سأعطيك مثالا على ذلك .... قامت المللكة
باستدعاء توني بلير ... وقالت : عزيزي توني .. لدي سؤال
لك ... أبوك و امك لديهم طفل .. و ليس أخوك وليس أختك .
فمن يكون ... فقال توني بلير : سيكون أنا
فضحكت الملكه و صرفته .. و نظرت لمبارك و قالت أرأيت ..
فتعجب الرئيس و عاد فورا إلى القاهره و طلب الاجتماع مع
رئيس الوزراء ... فقال له يا نظيف .. أبوك و امك عندهم
عيل .. و مش أخوك ومش أختك يبقوا مين ؟؟ فقال له : والله
يا ريس انا مش متأكد اديني فرصه أفكر .. خرج نظيف مسرعا
و قرر عقد اجتماع مع مجلس الوزراء و في خلال الجلسه طلب
عقد جلسه طارئه مع حبيب العادلي وزير الداخليه .. يا
حبيب .. أبوك و امك عندهم عيل و مش أخوك و مش أختك يبقوا
مين ؟؟ فرد عليه حبيب العادلي يبقى أنا يا نظيف باشا ..
فضحك نظيف و اتجه إلى مبارك
فلما دخل عليه قال له .. سيدي .. عرفت إجابه سؤالك ..
فقال له الرئيس و ما هو ... فقال نظيف .. سيكون حبيب
العادلي بالتأكيد ... فغضب منه الرئيس و قال له بعامية
فجّـه ... يا حمااااااااااار لو أبوك و امك عندهم عيل
ومش أخوك ومش أختك .. هيبقى توني بلير يا غبى
----------------------------------------------------------------------------------------------------------------------

:



ذهب نظيف عندما كان نائبا الى
نزهة فوجد تمثالا للجندي المجهول يققف ممسكاً
ببندقيته فاقترب منه وأخذ يتأمله، فقال له
التمثال: لقد تعبت من الوقوف فأحضر لي حصاناً
أركب عليه، فتعجب نظيف مما حدث ، وعندما عاد
أخبر مبارك بما جرى، فلم يصدقه ، وطلب
من نائبه أن يذهب سوياً للتحقق من الأمر
وعندما وصل نظيف ومبارك واقتربا من التمثال قال
التمثال لنظيف: لقد طلبت منك حصاناً وليس حماراً
----------------------------------------------------------------------------------------------------------------------

* بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.
----------------------------------------------------------------------------------------------------------------------

* بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.
----------------------------------------------------------------------------------------------------------------------

* اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
* -------------------------------
*-----------------------------------------------------------------------------------------------------------------
* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون
----------------------------------------------------------------------------------------------------------------------

مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
----------------------------------------------------------------------------------------------------------------------

حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا
----------------------------------------------------------------------------------------------------------------------


مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم
----------------------------------------------------------------------------------------------------------------------

بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس
----------------------------------------------------------------------------------------------------------------------

قرر مبارك ان يعين سكرتيره , فلجا الي نظيف
مبارك : اهم حاجه يا نظيف في اللي يشتغل معايا الامانه
نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟
مبارك : اللي لابسه جيب ميكرو طبعا


عدل سابقا من قبل في الخميس 17 يناير 2008, 1:38 pm عدل 6 مرات
الرجوع الى أعلى الصفحة اذهب الى الأسفل
http://www.arts.top-talk.net
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   الخميس 10 يناير 2008, 12:52 am


ههههههههههههههههههههههههههههههه

ولوّنى مش عارف اضحك ولا ابكى

و عامة احب اكتب تكملة العنوان

الظاهر ان قلم الاخ حمادة شحّط وهو بيكتبه

التكملة هى:
ــــار الكبير

و شكرا


عدل سابقا من قبل في الجمعة 11 يناير 2008, 5:58 pm عدل 3 مرات
الرجوع الى أعلى الصفحة اذهب الى الأسفل
http://www.youtube.com/user/amido2000
زائر
زائر
avatar


مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   الخميس 10 يناير 2008, 4:39 pm

:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
الرجوع الى أعلى الصفحة اذهب الى الأسفل
hamada salah
مشرف
مشرف


ذكر عدد الرسائل : 568
العمر : 27
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   السبت 12 يناير 2008, 1:44 am

ليه كده ياباش مهندس فشيت السر
الرجوع الى أعلى الصفحة اذهب الى الأسفل
http://www.arts.top-talk.net
الفيلسوف.كوم
فنان شغال
فنان شغال


ذكر عدد الرسائل : 60
العمر : 27
العمل/الترفيه : الكمبيوتر و كرة القدم
المزاج : الحياااااااااة الحلوة
تاريخ التسجيل : 13/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   الثلاثاء 15 يناير 2008, 5:40 pm

اقتباس :
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟



هو فين رامى؟؟؟؟
سؤال مش هانجاوب عليه ومش هانعرفه اصلا الا اما نروح له
الرجوع الى أعلى الصفحة اذهب الى الأسفل
http://arts.top-talk.net/
ملكه مصر
فنان شغال
فنان شغال


عدد الرسائل : 69
تاريخ التسجيل : 13/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   الأربعاء 16 يناير 2008, 11:56 am

السلام عليكم اخواتى انا مش عارفه بصراحه ارد بأيه بس انا حسيت من مواضيع حماده كلها انها مواضيع سياسيه ليه انا مش عارفه ...
وانا والله مش بعارض على كده بس انا شايفه انها كتير وسمحنى لو بعدل وراك وبما انى اعتبرت انى المنتدى بتاعنا زى ما الاداره بتقول فيا ريت معلش يا حماده تنوع من مواضيعك وشكرا ..

وتسمحلى اعلق على بعض الحجات
فمثلا :

اقتباس :
إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ

فعلا احنا ممكن نقارن بين محمد حسنى مبارك وجمال عبد الناصر
وممكن ايضا نقارن بين محمد حسنى مبارك ومحمد انور السادات
لكن مش ممكن ابدا اننا نقارن بين محمد حسنى مبارك وسيدنا عمرو بن الخطاب
لان دا الخليفه التانى للمسلمين كما نعلم واكيد طبعا محمد حسنى مبارك مش يساوى حاجه منه خالص لان دا من الصحابه رضوان الله عليهم جميعا

وكمان حاجه انا اعتقد انه لا يوجد شخص على الكره الارضيه لا يخاف الله تعالى
بس ما نفعله يكون بوسوسه من ابليس والايمان يختلف من شخص لآخر .


اقتباس :
بعد ما الرئيس مبارك مات وبدأ يتعذب جم خيّروه بين 3 طرق تعذيب:
1-يتعذب انجليزى يعنى ساعه جلد وساعه حرق وباقى اليوم راحة
2-يتعذب امريكانى 6 ساعات جلد و6 ساعات حرق وباقى اليوم راحة
3-يتعذب مصرى يعنى 12 ساعه جلد و12 ساعه حرق ومفيش راحة
هواختار الطريقة الانجليزى
فبعد اول يوم تعذيب
شاف كمال الشاذلى معدى
بيقولوا :انت بتتعذب ازاى؟
قاله:مصرى
قاله:طب ده مفيش راحة
قاله : لااااااااا
اصل الفرن قافل والجلاد مجاش

استغفر الله العظيم يا رب
يا حماده دا لو حتى مجرد هزار وضحك ابعد عن عذاب يوم القيامه
يطلع مين الرئيس مبارك عشان يخيروه فى الاخره هيتعذب ازاى

اقتباس :
مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف

ازاى يوصل الاستهزاء لهذا الحد انهم يستهزوا بالطواف حول الكعبه دا حرام بجد

اقتباس :
سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى
يعنى ايه غلط دى انا مش فاهمه هل كلمه الله اكبر فوق كيد المعتدى دا غلط ؟ استغفر الله العظيم - بس لا بقا الله اكبر فوق كيد كل معتدى

اقتباس :
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم

😢 دى بقا اهانه للاخوان المسلمين !!!!!!!!!!
استغفر الله العظيم من كل ذنب العظيم


اخيرا انا اسفه جدا اخى على هذا التعليقات التى من المحتمل ان تغضبك ولكن سامحنى انا اردت فقط ان افسر لك بعض الاشياء...
وشكرا لك تحياتى ملكه مصر
الرجوع الى أعلى الصفحة اذهب الى الأسفل
hamada salah
مشرف
مشرف


ذكر عدد الرسائل : 568
العمر : 27
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   الخميس 17 يناير 2008, 1:42 pm

أنا متشكر جدا على ردك الناقد يا ملكة على فكرة أنا مش زعلان منك ولا حاجة

بالعكس أنا

سعيد جدا إننا كسبنا عضوة ناقدة ومتميزة زيك وأحب أطمنك إن أنا عدلت الموضوع وحذفت

النكت اللي ليها علاقة بالدين لأن فعلا ده مش صح


وشكرا مرة ثانية ياملكة
الرجوع الى أعلى الصفحة اذهب الى الأسفل
http://www.arts.top-talk.net
ملكه مصر
فنان شغال
فنان شغال


عدد الرسائل : 69
تاريخ التسجيل : 13/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   السبت 19 يناير 2008, 11:45 am


ربنا يخليك يا رب ومشكور ع المجامله دى
الرجوع الى أعلى الصفحة اذهب الى الأسفل
بنت الوادى
فنان بدأيشتغل
فنان بدأيشتغل


عدد الرسائل : 17
تاريخ التسجيل : 13/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   السبت 19 يناير 2008, 1:13 pm

هههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
TAREK
فنان بدأيشتغل
فنان بدأيشتغل


ذكر عدد الرسائل : 48
العمر : 29
العمل/الترفيه : 4اداب e
تاريخ التسجيل : 20/01/2008

مُساهمةموضوع: رد: نكت عن الحمـ"لا مؤاخذة" الرئيس مبارك أبو علاء   السبت 02 فبراير 2008, 3:56 pm

ميرسي ع التوبيك
الرجوع الى أعلى الصفحة اذهب الى الأسفل
 
نكت عن الحمـ"لا مؤاخذة" الرئيس مبارك أبو علاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» أسئلة مراجعة في درس "التعرف علي نظرة الإسلام إلي الإنسان والكون والحياة" التربية الإسلامية
» (التهاون)الاحمق يستهين بتاديب ابيه"(أمثال5:15)
» لاعبٌ جزائري: إسبانيا عرضت "ترتيب نتيجة" مباراتنا في مونديال 1986
» طلب امتحانات أصول تربية "خاصة الدور الأول هذا العام"
» الرئيس " الودني

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات الترفيهيه ) ¨'°?O :: منتدى النكت والترفيه-
انتقل الى: