L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 من قصائد بيرم التونسى

اذهب الى الأسفل 
كاتب الموضوعرسالة
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: من قصائد بيرم التونسى   السبت 01 مارس 2008, 2:51 am


بيرم التونسى من أروع و أجرأ الشعراء الذين رآهم التاريخ
و له قصائد رائعة و ناقدة للنظام السيئ
جلبت لكم قصيدتين كبداية
فاتمنى أن تنال إعجابكم



هتجن يا ريت يا اخوانّا

هتجن باريت يا خوانا مارحتش لندن و الا باريز
ده بلاد تمدين و نضافة و ذو ق و لطافة و حاجة تغيظ
مالا قيتش جدع متعافي و حافي و ماشي يقشر خص
و لا شحط مشرمخ أفندي معاه عود خلفة و نازل مص
و لا لب أسمر و سوداني و حمص و انزل يا تقزيز
هتجن باريت يا خوانا مارحتش لندن و الا باريز



و لا عركة في نصف الليل دايرة بالحيل و ساحبها بوليس
قدامها جدع متجرجر و شه معور قال ده عريس
الخلق ما هي بتتجوزو اشمعنا احنا مافيش تمييز
هتجن باريت يا خوانا مارحتش لندن و الا باريز



و لا واحدة في وش الفجر تيرطع ماليه الدنيا صوات
قال ايه جوز خالتي ام أحمد سلفة أخوها السيد مات
سبحانك مأ عظم شانك و الله الموت ده مفيد و لذيذ
هتجن باريت يا خوانا مارحتش لندن و الا باريز



و لاصايع طالع يجري وصايع تاني بيجري وراه
و يقول هاع حصلتك يابن الأبصر ايه عاملاه
لا شارع غيط يا خوانا و لا احنا بدارة و لا احنا معيز
هتجن باريت يا خوانا مارحتش لندن و الا باريز



و لا حد يبييع حاجة يقول بريال و تأخدها بصاغ
يا خوانا حتى الابرة تاخدها بدوشة و قلب دماغ
حلفان و عراك و مناهدة و يمكن ضرب كفوف يا حفيظ
هتجن باريت يا خوانا مارحتش لندن و الا باريز



و لا فيش ميت الف صعيدي هاجميين و لا فيش
ميت الف معوض داعس جاي معاه صندوق ورنيش
و الله كرهت القهوة و حرمت أقعد عالأفاريز
هتجن باريت يا خوانا مارحتش لندن و الا باريز



و لا شفتش ده اللي بلاسة و ده اللي بعمة و ده بطربوش
ملابسنا يا ناس تشكيلة تعد اصحابها ما يتعدوش
دول ناس كنا أحسن منهم قول و مسيرنا باذن الله
نبقى احسن منهم برضك بعد الدرس اللي أخدناه
و الله ده عيب نتهجى دروس يأساتذة على التلاميذ
هتجن ياريت يا خوانا مارحتش لندن و الا باريز

....................................
يااهل المغنى دماغنا وجعنا

يا اهل المغنى دماغنا وجعنا
دقيقه سكوت لله
داحنا شبعنا كلام ماله معنى
ياليل وياعين ويااّه
ــــــــــــ
طلعت موضه غصون وبلابل
شابط فيها حزين
شاكى وباكى وقال موش عارف
يشكى ويبكى لمين
واللى جابت له الداء والكافيه
طرشه ماهش سامعاه
يااهل المغنى دماغنا وجعنا
دقيقه سكوت لله
ـــــــــــــــــــ
ردى عليه ياطيور بينادى
وارمى له الجناجين
وانت كمان يابور الــــوادى
قل له رايح على فين
قل له اياك يرتاح يابابـــــوره
ويريحنــــــــــا معــــــاه
ياهل المغنى دماغنا وجعنا
دقيقه سكــــــوت لله
ــــــــــــــــ
كل جدع فرحان بشبابه
يقول فى عنيه دمـــوع
ياللى جلبتى شقاه وعذابه
حلّى لنــــا الموضــــوع
طالع نازل يلقى عـــــوازل
واقفــــــــه بتستنــــــاه
ياهل المغنى دماغنا وجعنا
دقيقه سكوت لله
ــــــــــــــ
حافضين عشره اتناشر كلمه
نقل من الجـــــــــورنال
شوق وحنين وأمل وأمانــــــى
وصد وتيـــــــه ودلال
واللى اتعـــاد ينزاد ياخــــــــــوانا
وليل ونهــــــــار هـــوّاه
ياهل المغنى دماغنا وجعنـــــــــــا
دقيقه ســكوت لله

الرجوع الى أعلى الصفحة اذهب الى الأسفل
https://www.youtube.com/user/amido2000
الكونت
مشرف
مشرف


ذكر عدد الرسائل : 613
العمر : 29
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

مُساهمةموضوع: رد: من قصائد بيرم التونسى   الإثنين 03 مارس 2008, 5:05 pm

ههههههههههههههههههههههههههههههههههههههههههههههههههههههه
ده تبع احمد فؤاد نجم ولا ايه جامد ياباشمهندس
الرجوع الى أعلى الصفحة اذهب الى الأسفل
http://www.cont.nireblog.com
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: من قصائد بيرم التونسى   السبت 13 سبتمبر 2008, 3:03 am



كونت

و فعلا هم الاتنين كان عندهم مبدأ واحد
لا للنفاق .. لا للكتابة غير الهادفة
نعم للإصلاح .. نعم لمناصرة صوت الحق
و كانوا حبايب جدًا على فكرة
بس عم بيرم دا بحبه جدًا
و هو اسلوبه ماكنش زى الفاجومى كدا
الفاجومى بيطيح فى الكل و ع المكشوف خالص
بيرم كان هادى شوية عن كدا
بس الاتنين مبدأهم كان واحد
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: من قصائد بيرم التونسى   الجمعة 04 سبتمبر 2009, 10:55 pm


السلام عليكم
تسلم الأيادى يا باش مهندس
بجد الكلام جميل أوى
وعلى فكرة اول مرة اقرأ حاجة لبيرم التونسى
شكرا على الموضوع
تقبل مرورى

_________________






الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: من قصائد بيرم التونسى   السبت 05 سبتمبر 2009, 12:16 am



saro2a

و طالما الكلمات عجبتك ، و دى اول مرة تقرى فيها لبيرم ..
فان شاء الله هحاول اجيب حاجات تانية لبيرم مخصوص عشانك rolling eyes

الرجوع الى أعلى الصفحة اذهب الى الأسفل
https://www.youtube.com/user/amido2000
 
من قصائد بيرم التونسى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (أدب) ¨'°?O :: أشعار-
انتقل الى: