L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 (قرار) هام للجميــع أعضاء و زوار فبرجاء المرور

اذهب الى الأسفل 
كاتب الموضوعرسالة
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: (قرار) هام للجميــع أعضاء و زوار فبرجاء المرور   الأحد 31 أغسطس 2008, 1:10 am


بعد تفكير عميق يا جماعة فى اللى احنا فيه دا
الناس اللى كانت بتشارك انشغلت شوية و دخولها المنتدى قل .. نسبة تسجيل اعضاء جداد فى المنتدى قلت دا بجانب قلة معدل المشاركات برضه
قعدت اسأل نفسى شوية اسئلة .. يا ريت الناس اللى تقرا الموضوع تفكر فى الاسئلة دى و تجاوبها من خلال وجهة نظرهم
> المنتدى دا ايه لزمته؟
إجابتى >> احنا شايفين واقع مش راضيين عن حاجات كتير فيه .. و احنا بنعانى مشاكل كتيرة قوى فى مجتمعنا و وطننا فاحنا عايزين نحسن الاحوال دى و نرتقى بافكارنا شوية عن كدا
و دا يخلينا نراعى ان مواضيعنا ماتكُنش مجرد مواضيع زى الموجودة فى باقى المنتديات
> الأسرة اللى عايزين نكوّنها ، ماذا عنها؟!!
إجابتى >> احنا عايزين ناس محترمة و مثقفة نبنى بيها أسرة تعمل على الارتقاء
و هنا فى الحقيقة انا بتبسط شوية من اللى حاصل .. الناس اللى بتشارك رغم انهم قليلين إلا انهم كلهم و الحمد لله ناس راقيين و مثقفين و محترمين .. لكن كان فيه ناس من اللى مش بيشاركوا دلوقت لو كانوا شاركوا ماكانوش هيسيبوا الانسجام دا حاصل و كانوا هيوجدوا المشاكل باستمرار
> اللى ظروفه حايشاه مانعذروش؟
عيب .. مايصحش .. الناس اللى معوّدينا ع المشاركة و متغيبين اليومين دول لظروف على عيننا و على راسنا .. لا يكلّف الله نفسًا إلا وسعها .. بندعى لهم من كل قلبنا و ربنا ان شاء الله يعدّى الظروف اللى همّ فيها دى على خير
> اللى زهق من المنتدى او مش متفق معانا ندبحه؟
لا طبعًا لكل انسان وجهة نظره الخاصة بيه و اللى الناس لازم تحترمها .. و اللى يكون مش مقتنع و بالتالى مش بيشارك دا احسن من اللى بيشارك و هو مش مقتنع
و انا فعلا بحترم من كل قلبى اللى مش بيشارك معانا عشان مش مقتنع او مالوش مزاج .. و له الحق فى ذلك و ليس لنا أن نسأم منه
أخيرًا بقى وصلت إلى حاجة كدا جت فى دماغى مش عارف هتوافقونى فيها ولا لا
منتدانا غرضه الارتقاء و التحسين و بما ان العمل بالفكرة دى تقيل على قلوب ناس كتيرة فمش هنبقى مليون فى خلال يوم و ليلة
فافتكرت حاجة اسمها (مبدأ الخميرة) كما أسماها معلمى ( ص. ح. ) المبدأ دا معناه ان الناس الحلوين هيتقابلوا و عددهم يزداد بأسلوب الخميرة .. يعنى بمرور الوقت حلقة الناس الكويسين هتوسع اكتر و اكتر و اكتر
و بكدا فالمنتدى هيفضل مفتوح و شغال حتى لو فضلنا ع الحال دا سنين انا عن نفسى مش هيأس تانى و مش هتوقف عن المشاركة و المنتدى هيبقى بمثابة مكان يرحب بأى شخصية محترمة حابة تنضم لأسرتنا
و انا عن نفسى لو قابلنى شخص ارضى بانه يكون اخ لينا هدّى له عنوان بيتنا (منتدانا) على طول و لانه لما يدخل مش هيلاقى غير ناس محترمين ، هيشترك و هيشارك توماتيكى توماتيكى
فى كتاباتى (انا عن نفسى) هركز على اننا اسرة عايزين نتكلم و نتناقش سوا فى قضايا كتيــــــــر
التكالب على الرفع و التحميل للأفلام و المسلسلات اللى حاصل فى باقى المنتديات دا .. انا مش ههتم بيه أد ما ههتم باننا اسرة واحدة .. اى نعم عددنا لسا قليل لكن ان شاء الله هيزيد
طولت عليكم و صدعتكم بس ماعلش انا عارف انكم هتعذرونى و تسامحونى
فى انتظار ردودكم اللى فيها هتقولوا رأيكم فى كلامى من غير مجاملة
الرجوع الى أعلى الصفحة اذهب الى الأسفل
https://www.youtube.com/user/amido2000
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: (قرار) هام للجميــع أعضاء و زوار فبرجاء المرور   الإثنين 01 سبتمبر 2008, 12:04 am


فعلا عندك حق فى كل كلمة اتقالت
وانا معاك
المنتدى هنا فعلا مش زى اى منتدى تانى
انما موضوعاته كلها هادفة وبتدل على ان كل اعضاء المنتدى اسرة واحدة
بتعرض مشاكل واقعية
وندور على حلها
وان شاء الله مش هينضم للأسرة المحترمة دى الا المحترم
اللى يقدر قيمة المنتدى واللى فيه ومضمون موضوعاته واهميته
وبجد انا سعيدة جدا انى فى وسط الأسرة الجميلة دى
ويا رب افضل فيها دايما
موضوعك فى الجون بصراحة
وان شاء الله هتلاقى ردود فعل كويسة عليه
تقبل مرورى
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: (قرار) هام للجميــع أعضاء و زوار فبرجاء المرور   الإثنين 01 سبتمبر 2008, 11:08 am


مرور خاص جدًا يا saro2a
تشرفت بيه و أسعدنى جدًا
و اشكرك انك فهمتى قصدى
الرجوع الى أعلى الصفحة اذهب الى الأسفل
https://www.youtube.com/user/amido2000
الكونت
مشرف
مشرف


ذكر عدد الرسائل : 613
العمر : 29
العمل/الترفيه : كلية الصيدله
المزاج : محب للحياه والحياه ما بتحبوش... الدنيا ملطشه معاه بس لسه صامد
تاريخ التسجيل : 15/01/2008

مُساهمةموضوع: رد: (قرار) هام للجميــع أعضاء و زوار فبرجاء المرور   الثلاثاء 17 نوفمبر 2009, 7:15 pm


بتلمح لإيه بالظبط
انا عارف انى غلطان
ومش بشارك زى الأول
لكن هى فعلا ظروف والله ياباشمهندس
لكن اوعدك ياابو حميد انى هرجع تانى واحسن من الاول ان شاءالله
ويارب خير

_________________


هل لفؤادي العاني أن يحظى بدفء دعواتك الحاااانية لي في سجودك؟ فكم أحتاجها!


الرجوع الى أعلى الصفحة اذهب الى الأسفل
http://www.cont.nireblog.com
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: (قرار) هام للجميــع أعضاء و زوار فبرجاء المرور   الأربعاء 18 نوفمبر 2009, 6:05 pm


انت فاهم غلط
أولا الموضوع دا مكتوب من زماااان ، لدرجة انى مافتكرتوش غير لما رديت دلوقت اصلا
ثانيًا يا كونت ، احنا فى ايام الدراسة بالذات بنراعى ظروف بعض و مش بنحب نضغط على بعض و انت اكيد عارف كدا ، كل واحد فيه اللى مكفيه و وقته ضيق و الكل بيراعى كدا .. (على ما أظن) و الله أعلم
ثالثًا .. انت ماغبتش عشان ترجع يا كونت ..
فلو كان المنتدى شخصًا و له قلب و فتحتَ قلبه ، لوجدتَ نفسك و كلَّ الأعضاء الذين فى مكانتك بداخله
الرجوع الى أعلى الصفحة اذهب الى الأسفل
https://www.youtube.com/user/amido2000
 
(قرار) هام للجميــع أعضاء و زوار فبرجاء المرور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: المنتدى العام-
انتقل الى: