L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 افتخر بكون خريجة مدرسة خاصة

اذهب الى الأسفل 
كاتب الموضوعرسالة
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: افتخر بكون خريجة مدرسة خاصة   الأحد 19 أكتوبر 2008, 10:38 pm


السلام عليكم


انا بطرح موضوع استفزنى كتير جدا clapping
واللى شجعنى انى اطرح الموضوع ده فى المنتدى هنا هى العقول اللى موجودة هنا واللى بحب جدا اسمع صوتها
ورأيها وهى عقول نادرة فى وقتنا الحالى .
الموضوع وما فيه انى (كنت) افتخر وحتى الامس انى تخرجت من المدرسة الخاصة الابتدائية "..........."
ولها فروح كثيرة فى كل انحاء الجمهورية .
اسمها كبير
مركزها ومستواها التعليمى مرتقع جدا
طلابها من افضل الطلاب على مستوى الجمهورية .
كانت تلك المدرسة على الاقل من نظرى مدرسة عظيمة وجديرة بهذة الرتبة والمكانة ولكن ......
هل ظلت وبقت على هذة الصورة فى هذة الايام ؟
هل ما زلنا مطمئنين على اخواتنا وهم فى تلك المدرسة ؟
بقول الاجابة وبكل اسف لا
فوجئت امس وانا بتكلم مع اختى (وهى فى المدرسة العظيمة بالصف السادس الابتدائى )
عن مادة اللغة الانجليزية (مستوى رفيع )وهو منهج اضافى يدرسة طلاب هذة المدرسة حتى يكونوا على مستوى مرتفع جدا فى هذة اللغة فى السنين المقبلة بأنها لا تفقة به شيئا .
بالعامية : ما تعرفش بيتكلم عن ايةوكأن لسان حالها
يقول "ده انجليزى ده يا مرسى"
طلبت منها انى اتطلع على كشكول المادة .
الكشكول جميل جدا جدا ومكتوب فية كل شىء يخص الدرس من كلمات وقواعد وامثلة عليها وتطبيق على القاعدة ومجاب علية منها(اختى ) ومكتوب بخط المدرسه (Excellent)
طلبت منها تجاوب على التطبيق غيبا دون النظر فى الكشكول وكانت الاجابة احلى اجابة سمعتها فى حياتى .....,
"ههههههههههه هو انا جاوبت علية قبل كده علشان اعرف اجاوبه تانى "
قولتها مين اللى حاوب عليه فى الكشكول وعرفت منها ان " المس "ككتبت الدرس على السبورة وكتبت النطبيق وتحتة اجابتة وطلبت منهم انهم ينقلوه وخدتكشكول تليمذ تليمذ وتكتب فيه الكلمة الرائعة(Excellent)
علشان طبعا الموجـــــــــــــه
سألتها فى كلمة من الكلمات اللى مكتوب عليها جفظ جيدا قالت ما اخدنهاش قبل كده
المشكلة الكبيرة انى سالتها :
بتجاوبى ازاى على امتحان اخر السنة ؟
وكانت الاجابة :
بناخد ورقة الامتحان ونلاقى الاجابة على السبورة ونكتبها ورا " المس"
(لا تعليق )
الجملة دى استفزتنى جدا جدا جدا لكن للاسف لم اعلق عليها وقولت لنفسى "دى مادة مش اساسية لكن اضافية يمكن التركيز على المواد الاساسية اهم "

سألتها اخدتم اية فى العربى امبارح :?:
قالت : احتـــياطى
سألتها "المستر "كان غايب :?:
قالت : لا بس مش فاضى اصلة وكيل المدرسة ولازم يشوف شغلة :sleep:
ومين اللى دخل الحصة ؟
حدناها العاب والتانية فى الفصل بدون مدرس
يعنى الحصيتين كانوا فوضى :?:
قالتلى : يا شيخة احسن ما انا اخدت الدروس دى فى الدرس بلاش وجع دماغ

فى البداية انا كنت معترضة على موضوع انها تاخد درس فى ابتدائى لكن بعد اللى سمعتة قولت الحمد لله انها بتاخد درس وما اخدتش برأيى .

وكملت كلامها المستر بيدخل بقرأ معانا صفحة من الدرس والحصة تخلص والاسئلة واجب ومش بيشوفة
سألتها على اسم المستر بتاعها واندهشت لما عرفت انة نفس المدرس اللى كان بيدينى علابى وانا فى المدرس فى الصف الرابع الابتدائى.
واكن اكثر مدرسين اللغة العربية امتيازا فى المدرس .
وكنت افتخر امام زميلاتى من الفصول الاخرى انى تلميذ تة لكن للاسف اكتشفت انه يشبه مدرسى فى الشكل والاسم ولكن ليس هو فى الشخصية والضمير والمكانة .

مش هكمل الحوار
ولا هقول باقى المواقف اللى سمعتها عن باقى المواد الاساسية وباقى المدرسين
لانى رغيت كتير جدا
ووجعت دماغكوا جدا جدا
وبشكر اللى لسة بيقرأ الموضوع
ودلوقتى دورك كقارئ انتهى
ونفسى اسمع راى وصوت صحيح
ومتأكدة انى هسمعة من هنا

هل هى دى التربية ودى فكرة التعليم فى عقول الاطفال ؟
طفلة فى الابتدائى بتشوف ان المدرسة حديقة بتلعب فيها وبس ولا يوجد بها مكان للعلم .
بنحاول نفكر فى مشاكل التعليم والدروس الخصوصية للطلاب فى الاعدادى والثانوى ونحلها .
لكن للاسف ما فيش حد فكر يشوف المشكلة بدأت من امتى ومنين وازاى ؟

اختى دخلت مدرسة خاصة بغرض انها تتخرج من الابتدائى بقدر كافى من العلم لانها تكون طالبة ناضجة فى المراحل المقبلة ومتفوقة وذات قدرات عالية .


مصاريف المدرسة "............" جنية
واليونيفورم "................"
والكتب المدرسية "............"
والمادة الاضافية "..........."
+الدروس الخصوصية ".........."
وهذا هو المبلغ الوحيد الذة نأخذ المنفعة به
الفلوس مش مهم لكن كتبت الجزء ده علشان اوضح اننا افتكرنا ان العلم يشترى بالمال وحاولنا وبلا جدوى.

هل الحال ده منتشر فى جميع المدارس ؟
هلى الحال ده هيفضل دايما ؟
هل انا وانت دلوقتى نقدر ننام واحنا مطمئنين ان اخواتنا وابناءنا فى المستقبل ينشأوا بطريقة سليمة وصحيحة ؟

ده حال طفلة فى المرحلة الابتدائية , مرحلة البناء ببعقل والفكر
هل الحال ده يهيئها انها تكون فتاة صالحة ومفيدة لمجتمعها فى المستقبل ؟
اشك
مستنية اشوف رأيكم
وهسأل سؤال بسيط واخير
انا كبرت الموضوع اكتر من اللازم (على رأى اختى )
ولا هو كبير لوحده ؟
واسفة على الاطالة .
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: افتخر بكون خريجة مدرسة خاصة   الإثنين 20 أكتوبر 2008, 11:16 pm

أولا يا saro2a انتى ماكبرتيش الموضوع ولا حاجة
احنا أساسًا اللى مستهونين باللى بيحصل لنا دا .. لكن أوعدكم احنا هنندم بشكل مؤسف قريبًا جدًا ع اللى بنعمله فى نفسنا و فى اخواتنا و فى ولادنا اليومين دول
بكررها تانى .. هنندم بشكل مؤسف قريبًا جدًا


saro2a كتب:

مصاريف المدرسة "............" جنية
واليونيفورم "................"
والكتب المدرسية "............"
والمادة الاضافية "..........."
+الدروس الخصوصية ".........."
وهذا هو المبلغ الوحيد الذة نأخذ المنفعة به
الفلوس مش مهم لكن كتبت الجزء ده علشان اوضح اننا افتكرنا ان العلم يشترى بالمال وحاولنا وبلا جدوى.

[size=18]طبعًا عمر ما كان همنا الأول هو الجانب المادى .. لكن (يا روح ما بعدك روح) ما هو حرام ولى الأمر يقتل فى نفسه طول الشهر عشان يجيب مصاريف البيت + الأولاد .. حسبتك خاطئة يا saro2a لان أولياء الأمور اللى عندهم ابن واحد فى التعليم قليلين جدًا .. شوفى ولى الأمر بيكون عنده كام ابن فى المدرسة (أو فى التعليم عامةً) .. و شوفى كل واحد من اولاده دول بيحتاج أد إيه[/size]

saro2a كتب:

ده حال طفلة فى المرحلة الابتدائية , مرحلة البناء ببعقل والفكر
هل الحال ده يهيئها انها تكون فتاة صالحة ومفيدة لمجتمعها فى المستقبل ؟

[size=18]و الله يا saro2a هى دى مشكلتنا من سنين
ان الجيل الصاعد مش بيلاقى له قدوة
و اللى كان مننا بيحترم انسان معين .. فى الاخر بيكتشف انه ليس أهل للاحترام دا
زى اللى حصل معاكى و نظرتك للمدرس بتاع العربى اللى حكيتى عنه دا[/size]


saro2a كتب:

هل الحال ده منتشر فى جميع المدارس ؟

[size=18]للأسف يا saro2a فعلا الحال دا موجود فى أنحاء كتيــــر جدًا من الجمهورية
على فكرة كل الكلام اللى انتى قلتيه منطبق على (ابن اخوى) اللى فى مدرسة تجريبى
الولد بييجى يسألنى فى مسائل حالل زيها بالمللى فى الفصل
و اقول له يابنى مانت حالل زيهم اهو .. بتستغبى ليه؟
يقول لى .. دا ماتشرحش .... دا الأستاذ كتب الحل و قال لنا انقلوا [/size]

saro2a كتب:

هلى الحال ده هيفضل دايما ؟

[size=18]الورطة الكبيرة بقى .. اننا من سنين عمالين ناخد لكل مرض ييجى لنا مسكنّات و عمرنا ما فكرنا نتعالج و نقضى على أىٍ من الأمراض دى بشكل نهائى
قد تكون الفِعلة السلبية دى ناتجة عن مرض وراثى .. بس أيًا كان السبب هى (الفِعلة دى) مابتنتهيش
و عشان تنتهى .. و عشان الحال دا مايفضلش دايمًا .. لازم نحط إيدينا فى إيد بعض و نبقى أصحاب مبدأ .. بس ازاى دا يتم؟ ... ممكن فى اليومين الجايين دول ان شاء الله اطرح موضوع لكدا .. بعد ما اكون فكرت فى الفكرة دى شوية
(كيف نتفق؟)[/size]


saro2a كتب:

هل انا وانت دلوقتى نقدر ننام واحنا مطمئنين ان اخواتنا وابناءنا فى المستقبل ينشأوا بطريقة سليمة وصحيحة ؟

[size=18]لأ طبعًا .. و اللى يقول غير كدا يبقى يا إمّا منافق يا إمّا مش عارف حاجة و انا سبق و قلت هنندم ع اللى بنعمله دلوقت
احنا بالظبط زى اللى بيتقتل بالبطئ .. و بكرة تشوفوا بعينكم و تفهموا قصدى .. لو فضلنا كدا
فى النهاية .. حقيقى يا saro2a عاجز عن التعليق
حقيقى القضية هامة جدًا جدًا جدًا
انتى فعلا ما تتصوريش انا أد إيه مبسوط بقرايتى للموضوع دا
و مبسوط اكتر ان الموضوع دا اللى كتبته saro2a
مش عارف اشكرك ازاى .. لان موضوعك دا رجعلى احساس كنت خلاص أكاد أكون فقدته
فعلا فيه شباب بيفكر و حاسس بالمصااااايب اللى احنا فيها و بيسعى لحلها و مناقشتها
و على فكرة متعتى الحقيقية هى المناقشة الفعالة
فعلا لو ان المنتدى مايتكتبش فيه أى حاجة طول الشهر أو الشهرين كمان غير موضوع زى دا و يتناقش مناقشة موضوعية جادة .. دا عندى فعلا بالدنيا
انا اللى اسف على الرغى
و اتمنى ان مناقشة الموضوع تستكمل
و فى الجولة الجاية نتناقش فى أساليب معالجة [/size]
الرجوع الى أعلى الصفحة اذهب الى الأسفل
https://www.youtube.com/user/amido2000
nour
مشرف
مشرف


انثى عدد الرسائل : 330
العمر : 25
العمل/الترفيه : دخلت الجامعة خلاص
المزاج : مبسوطة
تاريخ التسجيل : 25/06/2008

مُساهمةموضوع: رد: افتخر بكون خريجة مدرسة خاصة   الثلاثاء 21 أكتوبر 2008, 11:25 pm


بشكرك بجد يا saro2a على الموضوع الهايل دا

وعاوزة بقى اقولك

ان الموضوع دا مش عندك وبس دا فى كل حتة وزى ما قال الباش مهندس

واقربها بردة اخويا

وحيات ربنا جه فى مرة بيحضر الشنطة وما اخدشى كتب الحساب

ماما بتقولى ما اخدتش الحساب لية

رايح بقولها ما عندناش

قالتلة انتو بتاخدوا حساب امتى

قالها حصتين فى الاسبوع

وكام بقى حصة العاب

يوميا حصة العاب

دا ان ما كنش مدرس غايب وبردة يخدوها العاب

يا بنتى احنا قولنا مليون مرة

التعليم باظ ومش هيتصلح

الا

بالعمل الجد


وبشكرك تانى على الموضع الجميل دا

_________________
الرجوع الى أعلى الصفحة اذهب الى الأسفل
الفيلسوف.كوم
فنان شغال
فنان شغال


ذكر عدد الرسائل : 60
العمر : 28
العمل/الترفيه : الكمبيوتر و كرة القدم
المزاج : الحياااااااااة الحلوة
تاريخ التسجيل : 13/01/2008

مُساهمةموضوع: رد: افتخر بكون خريجة مدرسة خاصة   الأحد 04 يناير 2009, 2:45 pm


ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

انتوا بتتكلموا عن حاجه بما أنى اداب فلسفه اقدر اسميها

ظاهره اجتماعيه موجوده من زمان جداااااااا
فى التربيه والتعليم فى دولتنا دى

وتعليقى الوحيد هو ان

الحاااااااااااال ده فى كل مدارس الجمهوريه

وربنا بسترها على كل اللى بيدرسوا دلوقتى خاصه المرحله الابتدائيه

وكمان.....
فى ظل المناهج الموجوده دلوقتى "والمعقده جدا"
اللى انا معرفتش احل منها مسأله حسابيه امبارح بجد والله العظيم



"وان لله وان اليه راجعون"
teehee
الرجوع الى أعلى الصفحة اذهب الى الأسفل
http://arts.top-talk.net/
 
افتخر بكون خريجة مدرسة خاصة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات العامه ) ¨'°?O :: المنتدى العام-
انتقل الى: