L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 وجيه عزيز ... تسمعوا عنّه؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الباش مهندس
مشرف
مشرف
avatar

ذكر عدد الرسائل : 1493
العمر : 27
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: وجيه عزيز ... تسمعوا عنّه؟!   السبت 19 يناير 2008, 9:29 pm

سلام عليكم
ازيكم با جماعة عاملين إيه النهاردة؟
تسمعوا عن واحد اسمه وجيه عزيز؟



اعتقد ان قليل منكم سمع عنه
عامة انا هعرفكم مين هو وجيه عزيز
وجيه عزيز ده يبقى ملحن حلو قوى
ولحّن لاكبر المطربين ومنهم محمد منير
والاهم ان الراجل ده بيغنى برده
وغناه جميل جدا وانا متاكد انه هيعجبكم قوى لما تسمعوه
والجميل فى غناه غير صوته انه بيعبر عننا احنا وعن مشاعرنا
م الآخر انا مش هطوّل عليكم
انا جايب لكم كل اعماله اللى نشرها هنا
والاعمال دى هى:



**الابوم الاول له واسمه (بالليل)
واغانى هذا الالبوم


*بالليل وكلماتها
بالليل تاخدنى عنيكى
واطل عليكى
واشوف ف الغربة ميت موال
موال على اللى قال عن العاشق
يدوب فى العشق والترحال
رحال . وليل ونهار وجنة ونار
وقلبى مصاحب الاسرار
على عتابك وفى غيابم اغنى لمين
ده انا من عشقى لعنيكى مزوق الغنا ليكى
مروق عشقى بالمواويل

*فنان فقير وكلماتها
فنان فقير على باب الله
والجيب مافيهشى ولا سحتوت
والعمر فايت بيقول اه
والقطر فايت بيقول توت
صحيتنى ليه يا شاويش؟
ده انا كنت سارح فى الملكوت
لما بتام بحلم وبعيش
لما بفوق مابفوقشى بموت
وتقول علىّ كبير السن..
وانا ف قلبى ولد كتكوت؟
وتشوفنى ببكى وبنعى وائن
والدنيا لسا بنت بنوت
واشمعنى قلبى ضناه الشيب؟
من الشقا مهرى ومنكوت
قال اللى قال العيب فى الجيب
والجيب مافيهشى ولا سحتوت
صحيتنى ليه يا شاويش؟
ده انا كنت سارح فى الملكوت
والعمر فايت بيقول اه
والقطر فايت بيقول توت...
على المحطة يا ولداه
حتى المحطة كمان هتفوت
صحيتنى ليه يا شاويش؟
ده انا كنت سارح فى الملكوت

*مؤقتًا ... (موّال كمقدمة للشريط)
*بغيب
*ساكتة ليه؟
*توتة
*نفس الاحساس
*على فكرة
*شوية هموم
*ماعرفش ليه!

**الابوم الثانى واسمه (زعلان شوية)
واغانى هذا الالبوم

*لو موصوف لك وكلماتها
او موصوف لك تسكت جوّه الهيصة وعيش
لو موصوف لك ترجع روح ويا ريت ماتجيش

لو موصوف لك تضحك اضحك على أحزانك
لو موصوف لك حب واقف فى مكانك

لو تختار فى زمانك احسن ماتنقّيش

لو موصوف لك وصفة اسأل ناس مش عارفة
واعرف لمّا تجاوب تسمع الف مافيش

لو موصوف لك تحلم قضّى الليل بردان
واعمل نفسك ناسى .. ناسى انك انسان

لو موصوف ترتاح نادى وقول يا جراح
مايغرّكشى براح ساكت مابيبكيش

*قول معاى وكلماتها
قول معاى قول بجد
هى عيشة ولا موتة
ولا فوتة ف حارة سد؟
قول لحد.. أى حد
حد رايح.. حد غايب.. حد جاى
حد لسا فينا فايق.. حد حى
قول ياعم.. قول ياهم
قول لحد لسا فينا عنده دم
قول معاى صوتى لسا مانتهاش
ليه بنرخص ليه بنرضى نبيع بلاش؟
قول يا عم.. قول يا هم
قول لحد لسا فينا عنده دم
هى عيشة ولا موتة
ولا فوتة ف حارة سد؟

*زعلان شوية
*سلّم يا عاشق
*شجر المشمش
*فساتين بناتنا
*كان نفسى
*لو تروح
*هيلا هيلا



**الابوم الثالث واسمه (ناقص حتة)
واغانى هذا الالبوم



*المرايا
قلت ابص فى المراية يمكن اكون احلويت
فضلت داير ابص ما خليتش ولا مراية فى البيت
فى الحمام فى الأودة فى دولاب او متعلقع الحيط
شفت سكت شوية وبعدين اتخضيت
معقول انا قضيت العمر ده كله زى ما رحت زى ماجيت
معقول انا عمرى ما فكرت ولا اتغيرت ولا حبيت
وازاى ساكت على روحى ده كله وليه استنيت؟
ياريتنى ما كان عندى مراية و يا=ريتنى ما بصيت

*يمكن اضحك
فرحنى يمكن افرح
يمكن اضحك
يمكن اطلع م اللى انا فيه

فرحنى يمكن احلم
يمكن اغيّر
يمكن اقول اللى مخبيه

ضحكنى يمكن اضحك
يمكن افرح
يمكن اطلع م اللى انا فيه

ضحكنى يمكن احلم
يمكن اغيّر
يمكن اقول اللى مخبيه

مش يمكن لسا الدنيا جميلة بجد؟!
و لسا الناس ف الصيف والبرد؟!
و لسا الورد؟!
مش جايز يطلع فىّ العيب مش فيه؟!

زغزغنى زغزغنى .... زغزغنى زغزغنى
زغزغنى يمكن اصحى
و اقول بالبلدى و اقول بالفصحى

واياك ترجع تانى تسكت تانى تقول لى مافيش

زغزغنى يمكن ينفع
ارجع اسمع
دقة قلبى تانى واعيش

*عم سالم
*بعدين
*عيرة
*حاجات ومحتاجات
*مالناش غير بعض
*ما تجرّحوش الورد
*من حقنا
*ناقص حتة


**مجموعة من حفلاته واعمال مسرحية له



حمل الآن
بالليل
زعلان شوية
ناقص حتة
حفلات وأعمال مسرحية
الرجوع الى أعلى الصفحة اذهب الى الأسفل
http://www.youtube.com/user/amido2000
ahmed adel
فنان شغال
فنان شغال


عدد الرسائل : 82
تاريخ التسجيل : 19/01/2008

مُساهمةموضوع: رد: وجيه عزيز ... تسمعوا عنّه؟!   السبت 26 يناير 2008, 12:09 am

الف شكر يا بشمهندس عى المعلومات الظريفه دى عن وجيه عزيز انا كنت فعلا باسمع عنه كتير
ارجو انك دايما لو عندك معلومات زى كده انك تكتبهالنا دايما
و شكرا مره تانيه
الرجوع الى أعلى الصفحة اذهب الى الأسفل
hamada salah
مشرف
مشرف


ذكر عدد الرسائل : 568
العمر : 27
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: رد: وجيه عزيز ... تسمعوا عنّه؟!   الأربعاء 30 يناير 2008, 5:01 pm

بجد صوته رائع جدا


مشكور ياباش مهندس ع المجهود الكبير ده
الرجوع الى أعلى الصفحة اذهب الى الأسفل
http://www.arts.top-talk.net
الباش مهندس
مشرف
مشرف
avatar

ذكر عدد الرسائل : 1493
العمر : 27
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: وجيه عزيز ... تسمعوا عنّه؟!   الأربعاء 30 يناير 2008, 11:11 pm


شكرا يا جماعة على مروركم
واتمنى ان لو حد عنده حاجة زى كده
مايبخلش علينا بيها
الرجوع الى أعلى الصفحة اذهب الى الأسفل
http://www.youtube.com/user/amido2000
 
وجيه عزيز ... تسمعوا عنّه؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (الطرب) ¨'°?O :: الأغانى العربية-
انتقل الى: