L'ART Forum

VoUs NoUs TrOuVeReZ ToUs SuRpRiS
 
الرئيسيةالبوابةالتسجيلدخول

شاطر | 
 

 زمان ودلوقتى!!..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: زمان ودلوقتى!!..   الخميس 23 يوليو 2009, 9:28 pm



تفتكروا فى فرق كبير بين أيام زمان ودلوقتى؟

دى مقارنة بسيطة وبتحصل وبنشوفها كل يوم

البنت لما حد يسألها..إنتى مخطوبة؟
زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت


الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ :50: عايز الفلوووووووس...المونيـــــــــــــــــــــــــــــ ــــــى


خروج الولد وموعد رجوعه البيت
زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه . :


دخول الاب البيت
زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.
دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تعملى فيها راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا. :



نزول الولد لشراء احتياجات البيت
زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد.
يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات اه وحاجات لأ يعني؟؟حاجة غريبة اوي!!!


نزول المرأة للعمل
زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!!


ولد حب يتعرف على بنت
زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.
دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)
طبعا الولد واقف مندهش المهم يجي يتكلم تاني ترد عليه تقوله على فكرة انا مصاحبة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت. (لا صحيح محترمة ) :


الموضوع ده منقول
بس أنا مش ناقلاه عشان نضحك وبس
لأ عشان نشوف الفرق بيم زمان ودلوقتى
ونحاول نرجع لأخلاق زمان

_________________
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: زمان ودلوقتى!!..   الأحد 26 يوليو 2009, 11:25 pm


ههههههههههه
هم يبكى و هموم تضحك
تسلم إيدك يا طبيبة المنتدى ع الموضوع الواقعى جدًا
و اهى .. أيام و بنعيشها .. على رأى أ/ عمرو
الرجوع الى أعلى الصفحة اذهب الى الأسفل
http://www.youtube.com/user/amido2000
hamada salah
مشرف
مشرف


ذكر عدد الرسائل : 568
العمر : 27
العمل/الترفيه : طالب بكلية العلوم جامعة حلوان
المزاج : مخنوووووووق أوي
المنتدى المفضل : منتدى العلوم
تاريخ التسجيل : 09/01/2008

مُساهمةموضوع: رد: زمان ودلوقتى!!..   الأربعاء 29 يوليو 2009, 7:58 pm

هههههههههههه

موضوع جميل

بس احنا مستحيل نرجع للأيام دي

شكرا جدا يا نهلة

_________________
الرجوع الى أعلى الصفحة اذهب الى الأسفل
http://www.arts.top-talk.net
lovelycat
مشرف
مشرف


انثى عدد الرسائل : 310
العمل/الترفيه : كلية طب
المزاج : رومانسية
تاريخ التسجيل : 24/01/2008

مُساهمةموضوع: رد: زمان ودلوقتى!!..   الأحد 02 أغسطس 2009, 12:47 pm



ليه مستحيل يا حمادة
والله أنا أعرف ناس فى سننا
لسه عندهم الأخلاق دى
وبيعاملو أهلهم بنفس الاحترام بتاع زمان
لو ربيت أولادك على انهم يعاملوك كده
هيعاملوك كده
شوف انت بقى عايزهم يتعاملو معاك ازاى
وربيهم ع الاساس ده





_________________
الرجوع الى أعلى الصفحة اذهب الى الأسفل
الباش مهندس
مشرف
مشرف
avatar

ذكر عدد الرسائل : 1493
العمر : 28
العمل/الترفيه : طالب بكلية الهندسة بشبرا .. جامعة بنها
المزاج : هههههههههههههه
المنتدى المفضل : ملفــات شائـكـــة
تاريخ التسجيل : 04/12/2007

مُساهمةموضوع: رد: زمان ودلوقتى!!..   الأحد 02 أغسطس 2009, 3:17 pm


فعلا و الله معاكى حق يا lovelycat

بإيدينا نفضل شرقيين و ملتزمين فى اخلاقنا
بس للى عايز بقى
لكن للأسف .. فما أقل هؤلاء !
الرجوع الى أعلى الصفحة اذهب الى الأسفل
http://www.youtube.com/user/amido2000
saro2a
مشرف
مشرف
avatar

انثى عدد الرسائل : 319
العمر : 25
تاريخ التسجيل : 26/08/2008

مُساهمةموضوع: رد: زمان ودلوقتى!!..   الجمعة 07 أغسطس 2009, 9:24 pm


هههههههههه
تسلم ايدك على الموضوع الجميل
وعلى فكرة لسة فيه ناس زى زمان فى حاجات معينة
وفيه حاجات عمرك ما هتلاقيها زى زمان لأن العصر مختلف
لكن الأخلاق عند اصحاب الأخلاق هى هى مش بتتغير
من زمان لدلوقتى
ويا رب تكون موجودة عند الكل
تقبلى مرورى

_________________






الرجوع الى أعلى الصفحة اذهب الى الأسفل
angle of love

avatar

عدد الرسائل : 24
تاريخ التسجيل : 26/08/2009

مُساهمةموضوع: رد: زمان ودلوقتى!!..   الجمعة 28 أغسطس 2009, 12:34 am

حلوووووووووو اووووووي توبيك ده وعلي فكرة هو ده الي بيحصل فعلا زمان غير دلوقت نهائي
ثانكس lovely cat❤
الرجوع الى أعلى الصفحة اذهب الى الأسفل
 
زمان ودلوقتى!!..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
L'ART Forum :: O?°'¨ (المنتديات الترفيهيه ) ¨'°?O :: منتدى النكت والترفيه-
انتقل الى: